Plisti Plasta - Haur eskola Lizarran, tel: 627 56 55 32

nnnnnnnn

¿ZER DA PLISTI PLASTA?

Plisti Plasta haurren gozamenerako lekua da, haurren gaitasunen garapena bermatzeko pentsaturik dagoen lekua. Jolasteko, ikasteko, ongi pasatzeko, atseden hartzeko lekua da. Plisti Plasta ekimen sozialeko mikrokooperatiba bat da (diru irabazi asmorik gabekoa). Plisti Plasta osatzen dugun profesionalak psikologoak eta hezitzaileak gara eta hurbilpen Pikleriarrean formatuak gara.

Etengabeko formakuntza eta berrikuntza dira gure lehentasunak. Plisti Plastan gaitasun eta potentzialtasunez beteriko garaia bezala sinisten dugu haurtzaroa, zeinak inguru eta giro egokia behar duen hauek garatu ahal izateko. Jolasteko materiala sormena eta gozamena sustatzeko pentsatuta dago. Material naturala da: area, egurra, birziklatutako materiala…

¿NORTZUK GARA?

TXUSMA AZCONA

Donostiarra jaiotzez. Bertan Magisteritza ikasketak egin nituen haur hezkuntza espezialitatean. Ordutik, ibilbide laboral osoa Nafarroan burutu dut. Hainbat Ikastolatan lanean urteak eman eta gero, 2004tik 0-3 munduan aritu naiz, haur eskola munduan alegia.Ibilbide honetan eta Montse Fabrés-en bitartez, Pikler hurbilpenaren berri izan nuen,Formakuntza osoa egin eta gero, 2022ko abendutik aurrera pedagogo Pikler tituluduna.Horretaz gain, Reggiar esperientzian sakontzen aritu naiz ere.Oinherri-Herri Hezitzailea taldearekin hastapenetatik hartzen dut parte eta haurrentzako parke alternatiboa eta parte-hartzailea eratzeko gidaliburua sortzen kolaboratu nuen. Familia Guneak ezagutu nituenetik, haiekin maitemindu egin nintzen eta gure inguruan ezartzeko nahia sorrarazi zitzaidan. Nahi horretatik etorriko zen gerora Plisti Plasta. Hori izan zen abenturaren hasiera.

¿NORTZUK GARA?

ITSASO SAN MARTIN

Jaiotzez Lizarrakoa naiz. Munduko hainbat lekutan bizi izan naiz. Donostian egin nituen Psikologiako ikasketak.Amaitzerakoan, psikologiako formazioan sakontzeko Haurren Psikopatologiaren inguruko masterra burutu nuen eta gerora, Helduen Psikologia klinikoaz ziharduena. PIR oposizioetarako ikasi nuen ere.Ama bihurtu eta bizitzak itzulipurdia eman zidan. Ez dago amatasuna baino formakuntza hobeagorik! magisteritzako ikasketak egin nituen. Baina bertan ikasitakoek ere ez zizkidaten hazkuntzaren inguruko zalantzak argitu. Beste zer edo zer ari nintzen bilatzen; nire egunerokoa hobe ulertzen eta begirunetik seme-alabak hazten lagunduko zidana, alegia. Momentu horretan, bizitzako kasualitate horietako batez, amankomunean dugun lagun min batek harremanetan jarri gintuen Txusma eta biok. Txusmak hurbilpen Pikleriarrari buruz hitz egin zidan eta izugarri gustatu zitzaidan. Bilatzen ari nintzena topatu nuen. Horrela hasi zen hurbilpen honen inguruko dudan formakuntza eta baita Plisti Plastako abentura ere.